ABŞ Dövlət Departamenti HƏMAS-ın atəşkəsi poza biləcəyi ilə bağlı etibarlı kəşfiyyat məlumatlarının mövcud olduğunu açıqlayıb. Qurum xəbərdarlıq edib ki, planlaşdırılan hücum əgər fələstinli mülki vətəndaşlara qarşı yönəldilərsə, bu, atəşkəsin ciddi şəkildə pozulması kimi qiymətləndiriləcək.
Redaksiya xəbər verir ki, ərəb zamin ölkələri HƏMAS-dan öhdəliklərinə sadiq qalmağı tələb edirlər. ABŞ rəsmiləri isə bildiriblər ki, mülki şəxsləri qorumaq və atəşkəsin davamlılığını təmin etmək üçün lazım gələrsə, addım atmağa hazırdırlar.
Açıqlamada həmçinin qeyd olunub ki, ABŞ və zamin ölkələr Qəzzada təhlükəsizlik, sabitlik və qalıcı sülhün bərqərar olunması istiqamətində səylərini davam etdirirlər.