ABŞ rəsmiləri Rusiyaya qarşı yeni sanksiyalar hazırlayır, lakin prezident Donald Trampın bu addımı təsdiqləyib-təsdiqləməyəcəyi hələlik məlum deyil - bu barədə Fox News nəşriyyatı məlumat yayıb. Bu addım, Ukraynadakı müharibənin sona çatdırılmasına yönəlmiş səylərinə dəstək olmaq məqsədi daşıyır. Məsələ ilə bağlı mənbələr, sanksiyaların tətbiqinin Trampın son qərarından asılı olduğunu bildirirlər.
Redaksiya mənbəyə istinadən xəbər verir ki, yeni sanksiyalar, Rusiyanın bank və enerji sektorlarını hədəfə alacaq. Mənbələrin bildirdiyinə görə, sanksiyalar Rusiyanın dövlətə məxsus "Qazprom" şirkəti və təbii resurslar, eləcə də bank sektorunda fəaliyyət göstərən əsas qurumları əhatə edəcək. Bu addım, Trampın Rusiya prezidenti Vladimir Putinlə atəşkəs və sülh danışıqları ilə bağlı çağırışlarına cavab verməməsindən sonra atılır. Milli Təhlükəsizlik Şurasının nümayəndəsi, "ABŞ, Rusiya qarşı daha sərt tədbirlər görməyə çalışır" deyə bildirib.
Trampın sanksiyaları təsdiqləməsi, onun Kremlə qarşı mövqeyinin sərtləşməsi kimi qiymətləndirilə bilər. Trampın administrasiyası, Ukrayna ilə mineral müqaviləsi imzaladıqdan sonra bu addımı atır. Keçmiş NATO səfiri Kurt Volker, Rusiyanın müharibəni maliyyələşdirmək üçün Hindistan və Çin kimi ölkələrə neft və qaz satışı vasitəsilə valyuta qazandığını qeyd edib. O, əlavə edib ki, Trampın bu cür əməliyyatlara qarşı tətbiq edəcəyi sanksiyalar "çox əhəmiyyətli" olacaq.
Trampın administrasiyasının bu addımı, Rusiyanın Ukraynadakı hərbi əməliyyatlarına son qoyulması üçün təzyiqləri artırmağa yönəlib. Bu, həm də Trampın Putinlə münasibətlərindəki gərginliyin artdığını göstərir.
Sevinc Kərimova